තායිලන්තයේ DMC ආයතනය මගින් නිෂ්පාදිත 3D චිත්‍රපටයක් වන ‘Love over’ චිත්‍රපටයේ 2D පිටපත ‘බියකරු ය මේ සසර’ නමින් සිංහල හඬ කවා ශ්‍රද්ධා මාධ්‍ය ජාලය මගින් YouTube ඔස්සේ අන්තර්ජාලයට නිකුත් කොට තිබේ. මෙම චිත්‍රපටයේ සිංහල හඬකැවූ 3D පිටපත දිවයින පුරා මිලියන 2 කට අධික පාසැල් සිසුන් සහ මහජනතාවට ජංගම 3D අත්දැකීමක් ලබාදෙමින් පසුගිය වසර කිහිපය තුළ නොමිලේ ප්‍රදර්ශනය කිරීමෙන් අනතුරුවයි එහි 2D පිටපත මෙසේ අනතර්ජාලයට නිකුත් කොට තිබෙන්නේ. තායිලන්තයේ වාසය කරනා දිවැස්ලාභී ස්වාමීන් වහන්සේ නමක් විසින් එක්තරා දරුවෙකුගේ ජීවිතය පිළිබඳ හෙළි කළ සත්‍ය පුවතක් මත පදනම් ව මෙම චිත්‍රපටය නිෂ්පාදනය කළ බවයි, DMC ආයතනය පවසන්නේ. මෙම චිත්‍රපටය තුළ පාසැල් දරුවන්ට මෙන්ම බාල, මහලු, තරුණ සියලු දෙනාටම ඉතා වැදගත් කතා තේමාවක් ඇතුලත් වෙනවා. බියකරු නිරයේ ස්වභාවය 3D තාක්ෂණය මගින් ප්‍රතිනිර්මාණය කොට තිබෙන නිසා මෙම චිත්‍රපටය ලෝකයේ බොහෝ ජනාදරයට පත් වුණා. තායිලන්තයේ නිෂ්පාදිත මෙම චිත්‍රපටය Shraddha TV Youtube නාළිකාව ඔස්සේ නොමිලේ නරඹන්න දැන් අවකාශ ලැබී තිබෙනවා.
